"1995 онд Ж.Мөнхбат багшийнхаа шавь болж, Монгол бөхийн барилдааны арга ухааныг заалгаж сурсан азтай хүн гэж өөрийгөө боддог" гэж Дархан аварга Г.Өсөхбаяр хэллээ. 

Дархан аварга Г.Өсөхбаяр:

-Монгол бөхийн домог болсон ард түмнийхээ хайр хүндэтгэлийг хүлээсэн ийм сайхан хүчтэн билээ. Миний хувьд 1995 онд багшийнхаа шавь нь болж Монгол бөхийн барилдааны арга ухаан, бөх хүний баримталж явах дэг журам, ёс жудгийг заалгаж явснаараа өөрийгөө азтай гэж бодож явдаг. Монгол бөхийн зам мөрийг минь ерөөж өгсөн ачтан багш минь юм. Ид хаваа гайхуулж явсан төв цэнгэлдэх хүрээлэнгийн хажууд энэ хөшөөг босгож байгаад үнэхээр бахархаж баярлаж байна гэв.

---