УИХ-ын гишүүн Б.Мөнхсоёл ХҮН намыг "Тарах хэрэгтэй" хэмээн мэдэгдэж, хамгаалалт хүсч байгаагаа хэвлэлийнхэнд хэлсэн. 

Үүний дараа УИХ-ын гишүүн, Боловсролын сайд, ХҮН-ын Удирдах зөвлөлийн гишүүн П.Наранбаяр тайлбар хийлээ.

УИХ-ын гишүүн, Боловсролын сайд, ХҮН-ын Удирдах зөвлөлийн гишүүн П.Наранбаяр: 

-Бие биенийгээ хянаад байх юм байдаггүй. Найман гишүүнтэй зөвлөл дээрээ асуудлаа урьдчилж ярьж, байр сууриа нэгтгэдэг. Бухимдсан тал байсан байх. ХҮН тарах ёстой гэх байр суурийг илэрхийлсэн гэсэн үү, маш харамсалтай мэдээлэл байна. Би ширээ цохисон зүйл байхгүй. 

Б.Мөнхсоёл гишүүн "Сургууль цэцэрлэгт хөрөнгө оруулахгүй" гэж хэлэхэд нь би байр сууриа илэрхийлсэн. Бүхий л цөөнхийн төлөөлөл дэмжээд ярьж байхад манай намын гишүүн цөөнхийг төлөөлж хэлж байгаа үгэндээ "итгэхгүй байна, боломжтой юм уу, ийшээ хөрөнгө оруулснаас өөр чухал төсөл рүү хөрөнгө оруулах ёстой" гэсэн. Би тэгж болохгүй ээ л гэсэн. Зөвлөл, бүлгүүд дотроо байр сууриа ярилцаад санал хураалт дээр нэгтгэдэг асуудал улс төрд байдаг л асуудал. Нам "тар" гэж байна. Нэг хүнээс болж нам тарна ч гэж юу байхав. Дарамт үүсгэсэн зүйл байхгүй гэв. 

---