УИХ-ын гишүүн Б.Мөнхсоёл мэдээлэл хийв.

УИХ-ын гишүүн Б.Мөнхсоёл:

-Би хамгаалалт хүсч байна. Намайг дандаа заналхийлнэ. Нэрийг нь хэлэхээ больё. "Гэр бүл рүү чинь орно, хүүхдүүд рүү чинь орно" л гэх юм. Би ч яахав олон улсын байгууллагад ажиллаж байсан хэл устай хүн. Хүний эрхийн байгууллагад хандаж болно. Нэг удаа Б.Найдалаа гишүүн "Кноп хамтарч дарсангүй" гээд ширээ балбаж босч ирж байна. За яахав гээд хүслийнхээ эсрэг кноп дарах гэтэл тэр нь ажиллаагүй, хичээгээд 7-8 удаа дарсан. Үнэнээ хэлсэн. Энэ олон гишүүн өөдөөс харж байна, ичиж амьдаръя. Ёс зүйн хорооны дарга Б.Баярбаатар харж байсан.

Бид эмэгтэй хүн, хүлээцтэй, хүнлэг энэрэнгүй хүмүүс. Хэдий болтол ингэж явах юм. Дотоод ардчилал байх ёстой. ХҮН тарах хэрэгтэй. Маш хэцүү байна, өөрөөрөө байх боломж бололцоо өгөхгүй байна. Үг бүрийг маань П.Наранбаяр сайд зааж зааварлаж байна. Боловсролын яам ХҮН намынх биш. Миний эсрэг үг хэллээ гэх юм. Ямар тэр хүний яам юм уу? Үг сонсож чадахгүй байж яаж сайд хийх юм. Нэг жил ч бололгүй хүнээ байж байна. Манай Монголд үнэн байх дутагдаж байна. Зоригтой байх хэрэгтэй юм байна. 

Тэвчээд олон сар явлаа, одоо больё. Эдийн засагчид, бусад хүмүүсийн дэмжлэгийг авмаар байна. Сая чуулган дээр хэлсэн үгийг хянаж шүүмжилж байна. Буруу үг хэллээ л гэх юм, тэгвэл би иргэдийг төлөөлөхөө больё. Монголчууд аа! Бид өөрсдийгөө хуураад байна. Хайран цаг хугацаа гэв.

Үүний дараа Боловсролын сайд, ХҮН-ын Удирдах зөвлөлийн гишүүн П.Наранбаяр тайлбар хийлээ. Тэрбээр, Б.Мөнхсоёл гишүүнд бухимдсан асуудал байсан байх. ХҮН тарах ёстой гэх байр суурийг илэрхийлсэн гэсэн үү, маш харамсалтай мэдээлэл байна. Нэг хүнээс болж нам тарна ч гэж юу байхав. Дарамт үүсгэсэн зүйл байхгүй хэмээв. 

---