Төрийн байгуулалтын байнгын хорооны хурал үргэлжилж байна. Монгол Улсын Ерөнхий сайд Л.Оюун-Эрдэнэд итгэл хүлээлгэх тухай тогтоолын төслийг хэлэлцэж байна. Хуралдааны үеэр УИХ-ын гишүүн П.Сайнзориг "Сайд болохыг хүссэн хүмүүсийн тачаал, амбиц парламент ёс, намын төлөвшлийг алга болгодог юм байна" гэж хэлэв. 

УИХ-ын гишүүн П.Сайнзориг:

-Монгол Улсын нийтлэг эрх ашгийг харж шийдвэр гаргах хэрэгтэй байна. Бид дөчин жилд нэг ч станц барьж чадаагүй. Учир нь хий хоосон улс төржилт. Эдийн засаг сэргэх, итгэл найдвар авчрах төслүүдийг улс төрийн хувьд ойлголцож байж гарсан. Гучин жилийн хий эргэсэн тушааг гаргасан гэж ойлгож байгаа. Үүн дээр цэг тавих уу, үгүй юу гэдгийг шийдэх гэж байна.

Нууц санал хураалт гэж байж болохгүй. Иргэд маань ойлгохгүй. Ил санал хураалтыг хийх ёстой. Нууц горимд орвол цаана нь хуйвалдаан явна гэсэн үг. Сайд болохыг хүссэн хүмүүсийн тачаал, амбиц парламент ёс, намын төлөвшлийг алга болгодог юм байна гэв. 

---