Ерөнхий сайд Л.Оюун-Эрдэнэд итгэл үзүүлэх эсэхийг ТББХ-ны хуралдаанаар хэлэлцэж байна. 

Ерөнхий сайд Л.Оюун-Эрдэнэ:

-Том төслүүдээ хурдан явуулсан нь Засгийн газрын алдаа болсон. Том төслүүдээ хөдөлгөсөн юм чинь одоо Ардчилсан нам хэрэгтэй юу гэдэг асуудал босож ирсэн нь нууц биш. Шахсан хүмүүсийн дийлэнх нь тийм юм ярьсан. Ардчилсан намын сайд нар маш сайн ажилласан тул Хамтарсан Засгийн газар байх нь зөв.

Гашуунсухайт яваад ирсэн дараагийн Засгийн газар зурагдсан байсан. Бодитой зүйл. Ардчилсан намын дараагийн даргын асуудал шинэ Засгийн газрын асуудалтай нийлсэн байсан. Зүгээр орлогоо нотлох асуудал байсан бол би залуучуудтай гараад уулзчих байсан. Нөгөө л нэг сандал суудлын асуудал үүссэн.

Стратегийн орд газрын хэлэлцэлтэй холбоотойгоор бүх асуудал нэгдэж байгаа нь бодитой үнэн. Ордон дотор хүч алдаж байгаагаа дэндүү сайн ойлгож байгаа. Санал хураалтын дараа хэн нь ямар сайд болоод явахыг ард түмэн бүгдийг хараарай. Жижиг эрх ашгаас болж хөгжлийн том боломжийг устгаж байна гэв. 

---