УИХ дахь МАН, АН-ын бүлэг, ХҮН намын зөвлөл өнөөдөр хуралдаж, Монгол Улсын Ерөнхий сайдад итгэл хүлээлгэх, эсэх асуудлыг хэлэлцэж байна.

УИХ дахь Монгол Ардын Намын бүлгийн өнөөдрийн хуралдаанд “Монгол Улсын Ерөнхий сайдад итгэл хүлээлгэх тухай” Улсын Их Хуралд өргөн барьсан тогтоолын төслийг Монгол Улсын Ерөнхий сайд Л.Оюун-Эрдэнэ танилцуулж, бүлгийн гишүүдэд мэдээлэл өгчээ. Энэ талаар УИХ-ын гишүүн А.Ариунзаяа "МАН-ын бүлгийн хуралдааны үеэр гишүүд олон санал хэлсэнгүй. Гишүүд бүгд өөрсдийн итгэл үнэмшлээрээ саналаа өгнө гэж тохиролцлоо. Ямар нэгэн шахалт, үүрэг даалгавар өгөгдсөн асуудал байхгүй" гэсэн юм. 

Тэгвэл УИХ дахь Ардчилсан намын бүлэг хаалттай хуралдаж байна. УИХ дахь Ардчилсан намын бүлгийн хуралдаанд Ерөнхий сайдыг оролцуулах эсэх санал хураахад, гишүүдийн олонх нь "Оруулах шаардлагагүй" гэж үзжээ. Ингээд Ерөнхий сайд Л.Оюун-Эрдэнэ Ардчилсан намын бүлгийн хуралдаанд оролцоогүй байна. 

 

---