Булган аймгийн Тэшиг сумын багш санамсаргүй хаалга онгойлгож, ард нь гүйж байсан хүүхдийн нүд ноцтой гэмтсэн осол /2025-05-27/-ны өдөр гарчээ. Энэ талаар Боловсролын Ерөнхий газрын дарга Т.Ням-Очироос тодрууллаа. 

Боловсролын Ерөнхий газрын дарга Т.Ням-Очир:

-Булган аймгийн Тэшиг сумын ЕБС-ын багш дөрөвдүгээр ангийн сурагчийн нүдийг хаалганы бариулаар цохиж, гэмтээсэн осол гурав хоногийн өмнө буюу /2025-05-27/-нд гарсан байна.

Тухайн өдөр шүдээ угаах гэж ангиасаа гарсан хүүгийн нэг нүд хаалганы бариулд цохигдон хүнд гэмтэл учирсан байна. Хүү ноцтой гэмтсэн учраас аймгаас эмч дуудаж, ингээд ЭХЭМҮТ-д хэвтэн эмчлүүлж байгаа гэх мэдээллийг сургуулийн зүгээс өгсөн. Бидний зүгээс сургуулийн захиралтай байнгын холбоотой байна. Илтгэх хуудас өгүүлэмжийг өгч байгаа. Бид сургуулийн орчин эрсдэлтэй эсэхийг шалгаж тодруулж байна.

Ар гэрийнхэнтэй нь холбогдож байна. Эмчилгээний зардалд сургуулийн зүгээс тодорхой дэмжлэг үзүүлэн ажиллаж байна гэв. 

---