УИХ-ын дарга Д.Амарбаясгалан болон ТББХ-ны дарга Ж.Бат-Эрдэнэ нар "Огцрох амархан" жагсаалын төлөөллийг хүлээн авч уулзлаа.

“Огцрох амархан” жагсаалын төлөөлөл:

-УИХ-ын даргатай хийх уулзалтад АН, ХҮН, Үндэсний эвсэл, ИЗНН-ын төлөөллүүд байсан нь их зөв шийдвэр боллоо гэж бодож байна. Урт хугацаандаа тогтвортой засаглал, сөрөг хүчин, ил тод хариуцлагатай байх гэдэг үндсэн шаардлагуудаа танилцуулсан.

УИХ-ын даргын зүгээс парламентын институцид итгээч ээ гэдэг мэдээллийг өгсөн. Асуудлыг ирэх пүрэв гарагийн чуулганаар хэлэлцэнэ. Гишүүн тус бүр асуулт асуух боломжтой дэлгэрэнгүй байдлаар явуулах учраас парламент өөрсдийн зарчмаар эл асуудлыг шийдвэрлэж чадна гэдэг байр суурийг илэрхийлсэн.

Ерөнхий сайдад итгэл хүлээлгэх тогтоолын төслийг УИХ-аар хэлэлцэж, шийдвэр гаргатал бид жагсаалаа үргэлжлүүлнэ. Нам, эвслүүдийн хувьд ёс зүйтэй байх, орлогоо нотлох асуудлыг бид дэмжиж байна гэдгээ илэрхийлсэн гэлээ. 

---