"Онтре гоулдын талбайгаас ашиг хүртэж болох нөхцөл байдалтай энэ үед Ерөнхий сайдыг огцруулж болохгүй. Цаана нь улс төрийн зөрчилдөөн л яваад байна. Миний хувьд засгийг тогтвортой байлгах тал дээр байгаа" гэж УИХ-ын гишүүн Ц.Даваасүрэн хэлэв. 

УИХ-ын гишүүн, Төсвийн байнгын хорооны дарга Ц.Даваасүрэн:

-Онтре гоулдыг эзэмшиж байгаа талбайгаас ашгаа яаж хүртэх тухай гэрээ хэлэлцээр хийх боломж бүрдсэн байна. Ийм нөхцөлд ерөнхий сайдын огцруулж болохгүй. Цаана нь улс төрийн зөрчилдөөн л яваад байна. Миний хувьд засгийг тогтвортой байлгах тал дээр байгаа.

МАН-ын бага хурлаар засагт хамарч байгаа бусад намууд зөрчилтэй байна гэдэг шийдвэр гаргасан. Хамтарсан засгийн газрын хувьд тэргүүний хувьд зөрчил гаргуулахгүй авч явж чадсангүй. Иймд л энэ асуудлаа их хуралд оруулж ирж байна гэж харж байна.

Шатахууны үнэ өсчихлөө. Манай улсын валютын нөөц буурч байна. Ингэхээр валютын ханш өснө. Үүний цаана үнийн өсөлт явагдана гэх зэрэг үнийн өсөлт явагдвал намар маш хүнд байдалд орно гэв.  

---