Ерөнхий сайд Л.Оюун-Эрдэнэ өөрт нь итгэл хүлээлгэх эсэх асуудлаар УИХ-д тогтоолын төсөл өргөн барьжээ. 

Уг итгэл хүлээлгэх тухай тайлбарт "УИХ-ын 2024 оны ээлжит сонгуулийн дүнгээр байгуулагдсан хамтарсан засгийн газар нь улс орны хөгжлийн тулгамдсан асуудал, сорилт бэрхшээлийг хурдтай, үр дүнтэй шийдвэрлэх, бүрэн эрхийнхээ хугацаанд бүтээлчээр, тогтвортой хамтран ажиллах зорилгоор “Хурдтай хөгжлийн төлөөх зориг” уриан доор нэгдсэн. Улс төрийн нөхцөл байдлаас шалтгаалан цаашид сонгодог парламентын тогтолцоог төгөлдөршүүлэх, дэвшүүлсэн бодлого, зорилтоо тогтвортой, тууштай хэрэгжүүлэхэд бодлогын дэмжлэг шаардлагатай байна.

Иймд Монгол Улсын ерөнхий сайд миний бие хамтын хариуцлагын зарчим, улс төрийн соёлын хувьд Монгол Улсын Их Хурлын бүрэн эрхийг хүндэтгэн, итгэл хүлээлгэх эсэх асуудлыг ард түмний төлөөллийн төв байгууллагаар шийдвэрлүүлэх нь зүйтэй гэж үзлээ" гэжээ. 

---