Хөнгөн галт тэрэг төслийн бүтээн байгуулалтыг ирэх есдүгээр сараас эхлүүлнэ. Иргэд дэмжсэн аливаа төсөл хөтөлбөр амжилттай хэрэгждэг жишгээр иргэд маань зөв мэдээлэлтэй байж дэмжлэг өгөхийг хүсэж байна гэж Трамвай /LRT/ төслийн захирал Б.Ану-Үжин хэллээ. 

Трамвай /LRT/ төслийн захирал Б.Ану-Үжин:

-Тус төсөл ТЭЗҮ боловсруулах шатанд явж байна. Олон улсын инженерүүдийн санал зөвлөмжийн үүндээ тусгаад үүнийгээ батална. Үүний дараа газар чөлөөлөлтийн ажил эхэлнэ. Ингээд санхүүжилт гээд эх үүсвэрийн схемээ шийдээд явна. Нийтдээ хоёр шугамыг барьж байгуулна. Яармагаас Сүхбаатарын талбай, Сүхбаатарын талбайгаас Зунжин гэж төлөвлөсөн. Нийтдээ 26 км замыг барина.

Яармагийн чиглэлд 22 буудал, хойд чиглэлд 14 буудал байна гэдэг ерөнхий төлөвлөгөө байгаа. Тендерийг олон улсад нээлттэйгээр зарлана гэж төлөвлөсөн. 2028 он гэхэд Яармагийн замыг ашиглалтад оруулна гэж төлөвлөж байна. Хөнгөн галт тэрэг төслийн бүтээн байгуулалтыг ирэх есдүгээр сараас эхлүүлнэ. Иргэд дэмжсэн аливаа төсөл хөтөлбөр амжилттай хэрэгждэг жишгээр иргэд маань зөв мэдээлэлтэй байж дэмжлэг өгөхийг хүсэж байна гэв. 

---