"Засгийн газарт хамтарлаа гээд сөрөг хүчингүй болчихлоо гэсэн үг биш" гэж УИХ-ын гишүүн Б.Найдалаа хэлж байна.

УИХ-ын гишүүн Б.Найдалаа:

-Манай улс дотооддоо хөлөө жийлцсээр байгаад нийтээрээ ядуу, орлогын ялгаатай болсон. Асуудлаа шийдэхийн тулд хамтрахаас өөр арга байхгүй. Улс орныхоо эрхийг ашгийг нэгдүгээрт тавьж засагт хамтарсан. Аливаа нэг нам нь энэ Хамтарсан засгаасаа гарна гэдэг нь улс төрийн шийдвэр. Гэхдээ томоохон төсөл, гэрээ хэрхэх вэ гэдэг дээр санаа зовж байна. Засаглал нь байнгын тогтворгүй ийм улсад хэн ч хөрөнгө оруулалт хийхийг хүсэхгүй. Улс төр, засаглал тогтвортой байх хэрэгтэй.

Манайх шиг улс орнуудад ерөнхийлөгчийн засаглалтай болсон түүх байгаа. Бидэнд ч ийм аюул тулгарч болзошгүй. Парламент нь хэрэлддэг, засаг нь тогтворгүй, намууд нь хамтарч чаддаггүй гэх зэргээс шалтгаалж улс төрийн дотоод болон гадаад хүчин зүйлс ажиллаад, нэг хүний буюу ерөнхийлөгчийн засаглалтай болох аюул нүүрлэж болзошгүй. Жижиг зүйлээс болж бусдын идэш болох вий гэж эмээж байна.

Хамтарсан засагт орсон нь хулгайтай эвлэрнэ гэсэн үг биш. Харин ч дотроос нь өөрчлөх хэрэгтэй. Хамтарснаараа сөрөг хүчингүй болно гэж ойлгож болохгүй гэв.

---