УИХ өнгөрсөн 2024 оны өвөлжилт, хаваржилт хүндэрсэнтэй холбоотойгоор шуурхай шийдвэр гаргаж, Гаалийн албан татварыг чөлөөлөх тухай хуулийг баталсан билээ. Ингэснээр импортын гурил, улаанбуудай, малын тэжээлийг татваргүй оруулж ирэх нөхцөл бүрдсэн байдаг.

Гурил, улаан буудайн импортын татварыг тэглэсэн шийдвэрийг хүчингүй болгосонд тооцох тухай хуулийн төсөл УИХ-ын чуулганаар хэлэлцэгдэж уналаа.

УИХ-ын гишүүн Б.Найдалаа:

-Миний хувьд үндэсний үйлдвэрлэл, хүнсний аюулгүй байдлаа бодсон ч Монгол Улс гурилаа өөрсдөө хийдэг байх хэрэгтэй. Ойр зуурын зах зээлийн үнийн хэлбэлзлийг урт хугацааны бодлогоор байнга хөдөлгөж татвараар зохицуулдаг нь буруу. Хуулийн төсөл унасанд харамсалтай байна гэв.

---