Хан-Уул дүүргийн 19 дүгээр хорооны нутаг, “Дөл” хотхоны гарааш дунд нэгэн хүн амиа алдсан байсныг оршин суугчид мэдээд цагдаагийн байгууллагад дуудлага өгчээ. Цагдаагийнхан хэргийн газарт очиж шалгахад тухайн иргэн гаднын нөлөөтэй, их хэмжээний цус алдаж нас барсан нь тодорхой болсон байна.

Тиймээс Мөрдөн байцаах албаны Хүнд гэмт хэрэг мөрдөн шалгах хэлтсийнхэн шалгалтын ажиллагааг үргэлжлүүлж, хохирогч нь Хөвсгөл аймагт оршин суух хаягтай ч Улаанбаатар хотод тэнэмэл хүмүүсийн тоонд бүртгэлтэй Ж.О гэх 36 настай залуу болохыг тогтоожээ. Тэрбээр толгой, нуруундаа авсан цөөнгүй шархны улмаас нас барсныг хэргийн газарт ажилласан Шүүхийн шинжилгээний ерөнхий газрын шинжээч тодорхойлсон бөгөөд талийгаачтай хамт архи ууж, муудалцаж байсан орон гэргүй хүмүүсийг хэн болох, хаана байгааг нь тогтоохоор шалгалтын ажиллагааг үргэлжүүлж байгаа гэнэ. 

---