УИХ дахь АН-ын бүлгээс мэдээлэл хийлээ. УИХ-ын гишүүн, УИХ дахь АН-ын бүлгийн дарга О.Цогтгэрэл болон УИХ-ын гишүүн, АН-ын ЕНБД Н.Ганибал нарын байр суурийг та бүхэнд хүргэе. 

УИХ-ын гишүүн, УИХ дахь АН-ын бүлгийн дарга О.Цогтгэрэл: 

-Монгол Улс нэг төсөвтэй байх ёстой. Гэтэл нийслэлийн төсвийг тусад нь ярьдаг, төрийн өмчит компаниуд санхүүжилтээ бие даан хийдэг болчихлоо. Улсын нэгдсэн төсвөөс гадна тусдаа урсгал бий болоод удаж байна. 

Мөн, Засгийн газар бартер хийхийн тулд өөрсдөө биш, УИХ-ын гишүүдээр хууль өргөн бариулж, төсвийн гадан олон төсөвтэй байх ажил хийж эхэлсэн нь илчлэгдсэн. 

Татварыг бууруулах, иргэн, аж ахуйн нэгжүүдэд ирэх дарамтыг бууруулах ажил гацаанд орчихлоо. Засгийн газраас татварын хуулийг шинэчилж хууль өргөн барина гэсэн. Хууль өргөн барих гэж байсан гишүүд больж, Засгийн газраас оруулж ирэхээр нь байр сууриа илэрхийлье гэж хүлээгээд байгаа. Энэ байдлаараа татвар 2026 онд буурахгүй нь тодорхой боллоо. 

-Хамтарсан Засгийн газраас Ардчилсан нам гарах цаг болоогүй юу? Эдийн засаг хүндэрчихлээ. Ардчилсан нам сөрөг хүчнээ хийхгүй юу? 

УИХ-ын гишүүн, АН-ын ЕНБД Н.Ганибал: 

-Гурван намын хамтарсан Засгийн газар байгуулагдаад нэг жил болоогүй байна. Дэлхийн эдийн засагт өөрчлөлт орчихлоо. Иймд шийдэж болох асуудлуудаа шийдээд явах ёстой гэж үзэж байгаа. Асуудалд бид аль болох, болох талаас нь хандаж байгаа. Хамтарсан Засгийн газрын гэрээг дүгнэх ажлын хэсэг удахгүй хуралана. Байр сууриа оруулж ирэх байх гэв. 

---