Гаалийн албан татвараас чөлөөлөх тухай хууль хүчингүй болсонд тооцох тухай хуулийн төслийг эцсийн хэлэлцүүлэгт бэлтгүүлэхээр Байгаль орчин, хүнс, хөдөө аж ахуйн байнгын хороонд шилжүүллээ.

УИХ-ын гишүүн Г.Уянгахишиг:

-Гаалийн албан татвараас чөлөөлөх тухай хууль хүчингүй болохыг дэмжиж байгаа. Учир нь гурил бол стратегийн хүнс. Тухайн үндэстний оршин тогтноход зайлшгүй шаардлагатай хүнс. Хэт гадны улсаас хамааралтай болчихвол дотооддоо хүнсээ үйлдвэрлэж чадахгүй нөхцөл байдалд шилжинэ.

Гурилын үнийг буулгахын тулд гаднаас татваргүй оруулж ирэх нь зөв бодлого биш. Өөр арга хэмжээ авч хэрэгжүүлэх хэрэгтэй. Гурилын үнийг хэлэлцэн нэмсэн асуудал байвал өөр хуулиар зохицуулагдана гэв. 

---