Боксын өсвөр үе, залуучуудын Ази тивийн аварга шалгаруулах тэмцээний шигшээ тулааныг шууд дамжуулан үзүүлж байна.
Иордан улсын Амман хотноо зохион байгуулагдаж буй энэ удаагийн Ази тивийн аварга шалгаруулах тэмцээнд манай улсаас долоон тамирчин хүч үзэн залуучуудын эрэгтэй -75кг жинд Т.Даваажав хүрэл медаль хүртээд байгаа юм. Харин эмэгтэйчүүдийн -46кг жинд А.Алтанзул мөнгөн медалийн болзол хангаж, улмаар яг одоо аваргын алтан медалийн төлөө тулалдах гэж байна.
Өсвөр, залуучуудын улсын хошой аварга, "Ихэр Бээлий" клубын тамирчин А.Алтанзул аваргын алтан медалийн төлөө Энэтхэгийн боксчинтой тулалдах оноолттой байна. А.Алтанзулын хувьд өнөөдөр явагдах 26 шигшээ тулааны 14 дүгээрт рингэнд гарч ирнэ. А.Алтанзулдаа амжилтын дээдийг хүсье.
