ХЭҮК-оос Хүний эрх, эрх чөлөөний байдлын талаарх 24 дэх илтгэлээ Хууль зүйн байнгын хороонд танилцууллаа.

ХЭҮК-ын дарга Ж.Хунан:

-Бэлгийн хүчирхийллийн хохирогч хүүхдийн тоо эрс өсөж байна. Энэ төрлийн гэмт хэрэг буурахгүй байна. Олон судалгаа, дүгнэлт гарч байгаа ч үр дүг гарахгүй байна. Үүнийг бид дахин эргэж харах ёстой. Бэлгийн хүчирхийллийн хохирогчдын асуудалд мэргэжлийн бүхий л байгууллагууд хамтраад нийлж байгаад жинтэй суурь судалгаа хиймээр байна. Шалтгаан нөхцөлийг нь илүү дэлгэрэнгүй судалж гаргая. Тэгэхгүй бол өдөрт нэг хүүхэд бэлгийн хүчирхийллийн хохирогч болж байна гэдэг аймар тоо. Өнгөрсөн таван жилийн хугацаанд 14-өөс доош насны 990 тохиолдол бүртгэгдсэн байна. Манайх шиг цөөн хүнтэй улсын хувьд гамшиг. Дорвитой арга хэмжээг авах ёстой.

Хэрэг хянан шийдвэрлэх ажиллагаа маань хүүхдэд ээлгүй байна. Хуулийг байгууллагад хандахгүй, нуун дарагдуулах, эцэг эх нь шийдвэр гаргах асуудал байна. Мэдүүлэг олон удаа авах, эрэгтэй байцаагч асуух, орчин зэрэг хүүхдийн сэтгэл зүйд нөлөөлөх байдалд ихээхэн нөлөөлдөг. Сэтгэл санааны хохирлыг орхигдуулаад байна. Хүүхдийн эрхийн зөрчил ихээхэн гарч байна. Иймд хэрэг хянан шийдвэрлэх ажиллагааг хүүхдэд ээлтэй байлгая л гэж байгаа.

Ялын бодлогыг нь чангалсаар байгаа ч бага насны хүүхэд хүчирхийлэх гэмт хэрэг буурахгүй, өссөөр байна. Хүүхэд нэгдүгээрт байж гэмээнэ бид хүүхдийн эрхээ хамгаална. Эрхзүйн боловсролыг дээшлүүлж, хүнээ хөгжүүлж, амьдралыг сайжруулж байж энэ төрлийн гэмт хэрэг буурна гэв. 

---