Иордан улсын Амман хотноо боксын өсвөр үе, залуучуудын Ази тивийн аварга шалгаруулах тэмцээн зохион байгуулагдаж байна.
Энэ удаагийн Ази тивийн аварга шалгаруулах тэмцээн нь шинэ тутам үүсгэн байгуулагдсан World Boxing холбооны хамаарал бүхий Asian Boxing холбооноос зохион байгуулж буй анхны тивийн чанартай тэмцээн юм.
Манай улсаас долоон тамирчин тивийн аварга шалгаруулах тэмцээнд хүч үзэн залуучуудын эрэгтэй -75кг жинд Т.Даваажав хүрэл медаль хүртээд байгаа бол эмэгтэй -46кг жинд А.Алтанзул мөнгөн медалийн болзол хангаж, улмаар аваргын алтан медалийн төлөө тулалдах гэж байна.
Өсвөр, залуучуудын улсын хошой аварга, "Ихэр Бээлий" клубын тамирчин А.Алтанзул мөнгөн медалийн төлөөх тулаанд Узбекистан улсын тамирчныг илт илүүрхэн буулган авсан юм. Тэрээр аваргын алтан медалийн төлөө Энэтхэгийн боксчинтой тулалдах оноолттой байна.
А.Алтанзул алтан медалийн төлөөх тулаан энэ сарын 30-ны өдөр Улаанбаатарын цагаар 19:00 цагт явагдана.
