Монголын хөл бөмбөгийн холбооны ерөнхийлөгчөөр сонгогдсон Ц.Анандбазарыг зарим тамирчин болон клубийнхэн эсэргүүцэж байгаагаа илэрхийлэв.

Тодруулбал, Монголын Хөл бөмбөгийн холбооны ээлжит бус их хурал өчигдөр /2025.04.28/ болж, тус холбооны Ерөнхийлөгчөөр УИХ-ын гишүүн асан Ц.Анандбазарыг сонгосон. Монголын хөл бөмбөгийн холбооны ерөнхийлөгчөөр сонгогдсон Ц.Анандбазарыг зарим тамирчин болон клубийнхэн эсэргүүцэж байгаагаа мэдээлсэн. Түүнчлэн нэр бүхий тамирчид талбай дээр гарахгүй гэж мэдэгдэж эхлээд байгаа. Ц.Анандбазарыг холбооны дүрэм зөрчин нэр дэвшиж сонгогдсон гэж шигшээ багийн тоглогч Д.Төрбат хэлж байна.

Тэгвэл Монголын Хөл бөмбөгийн тоглогчдын холбоо, дээд лигийн "Очир" зөвлөл хамтран  шаардлага хүргүүлжээ. Тус шаардлагад Ц.Анандбазарыг огцруулах, ээлжит бус их хурлыг зарлах, дүрмийн өөрчлөлт, шинэчлэл хийж, сонгуулийн хороогоо шинэчилье гэж шаардаж байгаа аж.

---