НӨАТ-ын буцаан олголтыг улирал тутам олгодог. Тодруулбал, НӨАТ-ын буцаан олголтыг;

• 1-р улирлын буцаан олголтыг дөрөвдүгээр сард,
• 2-р улирлын буцаан олголтыг долдугаар сард,
• 3-р улирлын буцаан олголтыг аравдугаар сард,
• 4-р улирлын буцаан олголтыг дараа оны нэгдүгээр сард тус, тус багтаан иргэдэд олгодог билээ.

Энэ дагуу 2025 оны нэгдүгээр улирлын буюу 1-3 дугаар сарын НӨАТ-ын буцаан олголтыг маргааш, нөгөөдөртөө багтан иргэдийн дансанд шилжүүлнэ гэлээ.

Хэрэв 2025 оны нэгдүгээр улирлын сугалааны баримт нь бүртгэгдээгүй, алдаа заасан тохиолдолд иргэд Татварын ерөнхий газрын эрсдэлийн тасагт хандаж, асуудлаа шийдвэрлэх боломжтой аж. 

---