Тайланд улсын Бангкок хотноо жүдо бөхийн насанд хүрэгчдийн Ази тивийн аварга шалгаруулах тэмцээн үргэлжилж байна.
Хоёр өдрийн дараах байдлаар манай бөхчүүдээс дараах тамирчид медаль хүртээд байна.
Эмэгтэйчүүдийн -57кг жинд Өсвөрийн дэлхийн аварга Т.Ариунзаяа мөнгөн медаль хүртлээ.
Эмэгтэйчүүдийн -63кг жинд дэлхийн аваргын хошой хүрэл, Ази тивийн аваргын алт, хүрэл медальт Л.Энхрийлэн мөнгөн медаль хүртэж тивийн аваргын медалиа иж бүрэн болголоо.
Эмэгтэйчүүдийн -70кг жинд Б.Ням-Эрдэнэ хүрэл медаль хүртсэнээр тивийн аваргын хүрэл медалиа ихэрлүүлж байна.
Тэгвэл өнөөдөр /дөрөвдүгээр сарын 27/ хүнд жинд Ази тивийн аваргын мөнгөн медальт А.Адьяасүрэн нарын зургаан бөх хүч үзэж байна.
Жүдо бөх сонирхогч та бүхэн тивийн аваргын сүүлийн өдрийн медалийн төлөөх барилдаан Улаанбаатарын цагаар 17:00 цагт явагдана. Шууд дамжуулалтыг ЭНД дарж хүлээн авч үзнэ үү.
