Баянзүрх дүүрэг нэгдүгээр хороо, Сансарын колонкын урд байх "Зургаан давхар орон сууцны барилгын гадна фасат шатаж байна" гэсэн дуудлага өчигдөр 00:44 цагт Онцгой байдлын албанд иржээ.

Дуудлагын дагуу НОБГ-ын Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход зургаан давхар барилгын зүүн болон хойд хэсгийн фасат, хоёр давхар барилгын урд болон зүүн урд хэсгийн гадна фасат шатаж байсныг 01:11 цагт бүрэн унтраасан. Галд өртсөн хүн байхгүй аж. 

---