Долоон хүний амь нас хохирсон Дүнжингаравын дэлбэрэлтийн шүүх хурлын урьдчилсан хэлэлцүүлэг өнөөдөр болж, шүүхээс хэргийг нэмэлт мөрдөн байцаалтад буцааж шийдвэрлэлээ.

Тодруулбал, Зам тээврийн осол болсон талаарх шинжээчийн дүгнэлт эргэлзээтэй тул дахин шинжээч томилохоор шийдвэрлэлээ. Мөн улсын комисс 207-р байрыг ашиглалтад хүлээж авахдаа галын аюулгүй байдлыг хангасан эсэх дүгнэлт шаардлагатай гэж үзлээ.

Түүнчлэн зарим иргэний нэхэмжлэгч бус этгээдийг иргэний нэхэмжлэгчээр тогтоосон байна. 207-р байрны өмчлөгч бус этгээдийг өмчлөгчөөр тогтоож, зарим тээврийн хэрэгслийг байсан гэж буруу тогтоосон.

Шүүгдэгч Н.Баатаржав, Ч.Ренчиндорж нарын өмгөөлөгчид хэргийг прокурорт буцааж мөрдөн шалгах ажиллагаа явуулах, патрол маркийн автомашины жолооч Э.Мөнхнаранг хэрэгт татан шалгах хүсэлтэй байгаагаа илэрхийлсэн. Харин прокурорууд "Хэргийг прокурорт буцаах боломжгүй. Тухайн хэрэгт хамааралтай эцэслэн шийдвэр гаргахад хангалттай баримтуудыг цуглуулсан" гэх байр суурийг илэрхийлээд байсан юм. 

 

---