Монголын 3х3 сагсанбөмбөгийн “MGL 3x3 Pro League” тэмцээний “Stop 2” тэмцээн энэ амралтын өдрүүдэд /дөрөвдүгээр сарын 19-20/ зохион байгуулагдаж өндөрлөлөө. 

Энэ удаагийн “Stop 2” тэмцээнд эрэгтэй 12 баг дөрвөн хэсэгт хуваагдан өрсөлдсөн бол эмэгтэйчүүд "Stop 1" тэмцээнд найман баг хоёр хэсэгт хуваагдан өрсөлдлөө. 

Монголын 3х3 сагсанбөмбөгийн үндэсний шигшээ багт харьяалагддаг тамирчид Ulaanbaatar East болон Ulaanbaatar West багуудад хуваагдан А, В хэсгүүдийг тэргүүлэн өрсөлдсөн юм. Тодруулбал: Д.Дэлгэрням, Э.Дөлгөөн, Г.Болор-Эрдэнэ /Эрдэнэт Майнерс/, Ц.Отгонжаргал нар Ulaanbaatar West багийг бүрдүүлсэн бол А.Ананд, Г.Дөлгөөн, О.Энхбаатар нар Ulaanbaatar East багийг бүрдүүлсэн юм. 

Таамгийн дагуу Ulaanbaatar West, East багууд “MGL 3x3 Pro League” тэмцээний “Stop 2”-ийн финалд тунан Ulaanbaatar West баг аваргаар тодорч 4.000.000 сая төгрөгийн мөнгөн шагнал болон "FIBA 3x3 Xian Challenger" тэмцээнд оролцох эрхтэй боллоо. Улаанбаатар ММС Энержи багийн хувьд "FIBA 3x3 Xian Challenger" тэмцээнд оролцох эрхээ авсан байсан тул “MGL 3x3 Pro League” тэмцээний “Stop 2”-ийн 3-р байрт орсон Zavkhan Sainscore баг руу тус эрх шилжиж байна.

Харин эмэгтэйчүүдийн “Stop 1”-ийн аваргаар Баянгол Амазонс баг, дэд байранд Амгалан U24 баг, гуравдугаар байранд Хан-Уул Аравт баг тус тус шалгарлаа.