"О.Алтангэрэл сайд Даваагийн Цогтбаатар гишүүний асуудлаар "Хуулийн мухардалд орсон" гэж мэдэгдэл хийсэн. Хуульд мухардал гэж байдаггүй. Хууль мухардсан бол Үндсэн хуулийн цэц арилгах чиг үүрэгтэй. Үндсэн хуулийн цэцэд хүсэлтээ гаргаж асуудлыг шийдвэрлүүлэх ёстой" гэж УИХ-ын гишүүн Б.Энхбаяр чуулганы хуралдааны танхимд хэлэв. 

УИХ-ын гишүүн Б.Энхбаяр:

-Монгол Улсын шинэ Үндсэн хууль батлагдсанаас хойших 33 жилийн түүхэнд Монгол Улсын Их хурлаас анх удаа Үндсэн хуулийн цэцэд хандан тодорхой хууль, Үндсэн хууль зөрчсөн эсэх асуудлаар хүсэлт гаргах гэж байна. Энэ утгаараа анхны жишиг тохиолдол болж байна. Зөв жишиг болох байх.

УИХ хүсэлт гаргахад Үндсэн хуулийн цэц маргаан үүсгэх үү, үгүй юу гэдэг асуудлыг хэлэлцдэггүй, шууд үүсгэдэг. Шууд цэц бүрэн бүрэлдэхүүнээрээ хуралдаж энэ асуудлыг шийдвэрлэдэг онцгой горимтой. Х.Тэмүүжин гишүүн үндэслэлээ маш сайн нухацтай боловсруулж, оруулж ирсэн учраас дэмжиж байгаа юм. Цаашид УИХ Үндсэн хуулийн цэцэд олон асуудлаар хүсэлт гаргах байх. 

Өөрөөр хэлбэл, бидний баталсан хуулийг тодорхой кейс, тохиолдлууд дээр хүнээс нь хамаараад буцаагаад байна. Ялгамжтай байдлаар хандаад байна. Тухайлбал, Н.Алтанхуяг, Б.Найдалаа гишүүдийн хэргийг шүүх буцаасан гэж ойлгосон. Дээд шатны шүүхээс доод шатны шүүхэд чиглэл даалгавар өгч байгаа асуудал. Тиймээс энэ асуудлаар Үндсэн цэцэд хандаж, эцэслэн мухарлана гэсэн санал бодолтой байна.

О.Алтангэрэл сайд Даваагийн Цогтбаатар гишүүний асуудлаар "Хуулийн мухардалд орсон" гэж мэдэгдэл хийсэн. Хуульд мухардал гэж байдаггүй. Хууль мухардсан бол Үндсэн хуулийн цэц арилгах чиг үүрэгтэй. Үндсэн хуулийн цэцэд хүсэлтээ гаргаж асуудлыг шийдвэрлүүлэх ёстой. Улсын дээд шүүх эцсийнх байна гэж Үндсэн хуультай мөртлөө УИХ нь ард иргэдээсээ хууль биелүүл гэж шаардах улс төр, эрх зүй, ёс суртахууны эрхгүй болж байна. Даваагийн Цогтбаатар гишүүний хүний хувьд огт яриагүй байна. Шүүхийн шийдвэр гарчихаад байна гэв. 

---