УИХ-ын гишүүн, Боомтын асуудал эрхэлсэн сайд Б.Тулгаас Биржийн хуулийн асуудлаар тодруулж байна.

УИХ-ын гишүүн, Боомтын асуудал эрхэлсэн сайд Б.Тулга:

-Хятадын эдийн засгийн нөлөөллөөр нүүрсний үнэ 2019 оны түвшинд хүрч байна. Хятадын Ганцмод боом дээр өмнө нь биржээр авсан нүүрс талбай дээр хураагдаж байна. Үүнээс үүдэж манай талаас нүүрсний буулгах дээр ачаалал үүсээд байна. Мөн шинээр нүүрс худалдан авахгүй байна. Дэлхийн зах зээлд өөрчлөлт гарсан үед нүүрсний үнийг уян хатан байдлаар шийдвэрлэх хуулийн зохицуулалтыг оруулж ирж байна. Ингэснээр олборлолт, тээвэрлэлт, худалдаа маань хэвийн явах нөхцөл бүрдэнэ. Энэ Биржийн зориулалтаасаа буцаж байна гэсэн санаа биш.

Түүнчлэн худалдааны олон төрлийн хэлбэр, үнийн нөхцөлийг бий болгоно. Энэ үнийг өмнө нь бүлэглэл, эрх мэдэлтэн хийдэг байсан бол бүгдийг нь ил болгож өгье гэж байгаа. Тухайлбал, том төслүүдэд шууд төсөвт зарцуулах мөнгө дутмаг. Иймд Засгийн газраас тодорхой хэлцлийг хийж баялаг солилцоогоор хийх төслүүдийг УИХ-аар эрэмбэлүүлээд хэлэлцүүлнэ. Замын-Үүдээс Улаанбаатар хүртэл дөрвөн эгнээ замтай болох шаардлагатай байна. Үүнийг хэрэгжүүлье гэхээр концесс ажиллаж өгөхгүй байна. Иймд баялгаараа солилцоо хийгээд зам тавиад үүнээс орж ирэх эдийн засаг хэд дахин өндөр билээ. Нууцаар бус, биржийн хуулиа сайжруулаад явъя гэж байгаа гэв. 

---