УИХ-ын чуулганы нэгдсэн хуралдаан үргэлжилж байна. Хуралдаанаар Биржийн тухай хуульд нэмэлт, өөрчлөлт оруулах тухай хэлэлцэж байна. УИХ-ын гишүүн Ж.Золжаргал тус хуулийг буцаах саналтай байгаагаа илэрхийлэв. 

УИХ-ын гишүүн Ж.Золжаргал:

-Нэгэнт худалдаж аваад, гэрээ нь байгуулагдсан хил дээр овоорсон хэдэн сая тоо нүүрсийг хямдруулж өгөх талаар хэлэлцэж байна. Жишээлбэл 5 сая тонн нүүрс дээр 50 ам.долларын зөрүү гарвал 250 сая ам.доллар буюу нэг их наяд төгрөг. Олон компанийн алдагдлыг нөхөх лобби орж ирж байна уу гэж хардаж байна. Тээврийг худалдан авагч тал хариуцна гэж байгаа ч Монголын нүүрсийг уурхайн ам нөхцөлөөр борлуулна. Тээвэрлэлтийг Хятадын компаниуд хийнэ. Гадаад худалдааны импорт экспортын алдагдлыг хараад үзэхээр үйлчилгээний салбарын хамгийн том алдагдал тээвэр байдаг. Нэг тэрбум доллароос даваад явчихсан. Тээврийн хамгийн том хэмжээ нь нүүрс. Дандаа гадны хөрөнгө оруулалттай компани. Ямар бодлого хэний төлөө явуулж байгаа нь ойлгомжгүй. Одоо таван том оффтейк гэрээний асуудал байна. Төмөр зам байгуулах нь сайн ч гэсэн энэ хүрээнд Эрдэнэс Тавантолгойн хамаг сайн коксжих нүүрсийг бүгдийг нь авна. Бирж дээр зарах коксжих нүүрс бараг үлдэхгүй. Тэгэхээр бирж дээр үнэ багатай нүүрс зарагдана. Хямд үнэтэй харагдаж бирж ажиллахгүй гэдэг зүйл ярьж эхэлнэ. Өнгөрсөн хугацаанд 43 сая тонн уул уурхайн бүтээгдэхүүн 11 их наяд төгрөгийн борлуулалттайгаар биржээр зарлагдсан. Энэ их мөнгө. Бирж ажиллаж байгаа. сайжруулах ёстой. Ийм олон асуудал байгаа учраас энэ хуулийн төслийг хэлэлцэх боломжгүй буцаах саналтай байна гэв.

---