Ухаа худгийн асуудлаар УИХ-д тогтоолын төсөл өргөн бариад 31 хонож байгаа аж. Энэ талаар ХЗДХ-ийн сайд байр сууриа илэрхийлэв.

ХЗДХ-ийн сайд О.Алтангэрэл:

-Н.Учрал сайд Засгийн газрын хуралдаан дээр Төгрөг нуурын ордтой холбоотой шалгах ёстой материалууд байна гэдгийг танилцуулсан. Танилцуулгад мөнгө угаахтай холбоотой гэмт хэргүүд дурдагдсан. Н.Учрал сайд материалуудаа АТГ-т шилжүүлсэн гэж ойлгосон.

Засгийн газар Ухаа худгийн ордтой холбоотой асуудлыг хэлэлцээд 54 хонож байна. УИХ-д албан тоотоор хүргүүлж, тогтоолын төсөл өргөн бариад 31 хонож байна. Ажлын хэсгийн ахлагчийн хувьд энэ асуудлыг чуулганаар хэлэлцэхийг хүлээж байна. Яагаад энэ асуудлыг УИХ хэлэлцэхгүй байна вэ. Хууль зөрчиж, гэмт хэргийн шинжтэй байж болзошгүй зүйл байна гэдэг ажлын хэсгийн дүгнэлт гарсан. Дүгнэлтээ УИХ-ын гишүүдэд танилцуулж, ард түмэнд юу болоод байгааг харуулмаар байна. Монголын ард түмний хүртэх ёстой баялгийн талаарх асуудал ярьж байхад цаг зуурын чимээ шуугианд саатмааргүй байна гэлээ. 

---