Аж үйлдвэр эрдэс баялгийн сайд Ц.Туваанаас онгоцны түлш нийлүүлэх гэрээг ОХУ-тай 20 жилийн хугацаатай байгуулах гэж буй асуудлаар тодруулав.

Аж үйлдвэр эрдэс баялгийн сайд Ц.Туваан:

-Хоёр хэлэлцээр байгаа. Агаарын хөлгийн түлш нийлүүлэх хэлэлцээр нөгөөх нь нефть бүтээгдэхүүн нийлүүлэх хэлэлцээр гэж байгаа. Тодруулбал, Манай улсын нефтийн бүтээгдэхүүний 97 хувь буюу 2.6 сая тонн түлшийг тогтвортой найдвартай нийлүүлэх тухай. Ийм хэлэлцээр өмнө нь байгуулагдаж байгаагүй. ОХУ-д ямар нэг асуудал үүссэн тохиолдолд манайд тэр нь нөлөөлж байдаг. Харин ийм асуудал дахин гарахгүйн үүднээс энэ хэлэлцээрийг байгуулах гэж байна.

Агаарын хөлгийн бүтээгдэхүүн гурав дахин нэмэгдсэн. Энэ төрлийн түлшний хангамжийн асуудлаа тогтвортой найдвартай байлгах гэж энэ хэлэлцээрийг хийх гэж байна. Одоо хувийн хэвшил агаарын хөлгийн түлш нийлүүлж байгаа. 1 тонныг 800,000-1,000,000 төгрөгийн хооронд нийлүүлж байна. Энэ бол өндөр үнэ. Энэ хэлэлцээр байгуулагдсанаар үнэ тогтвортой, урт хугацаанд хэрэгжих боломж бүрдэх юм.

Олон улсын нисэх буудлын менежментийг Япон улс хариуцдагаараа хариуцна. Харин ОХУ-тай хамтарсан компани байгуулж онгоцны түлш цэнэглэх цогцолбор байгуулна.

2022 онд Г.Ёндон сайд  ОХУ-ын засгийн газартай хийсэн хэлэлцээрт “Монгол Улсад газрын тос боловсруулах үйлдвэр онгоцны болон бусад түлшийг үйлдвэрлэсэн тохиолдолд нэн тэргүүнд тэр үйлдвэрийн бүтээгдэхүүнийг худалдаж авна. Харин дутагдал үүссэн тохиолдолд 75 хувийг нийлүүлнэ” гэж заасан байгаа гэв. 

---