УИХ-ын дэд дарга Х.Булгантуяа Евроазийн түр хэлэлцээрт маш болгоомжтой хандахыг сануулж байнгын хорооны хуралдаанд үг хэллээ. 

УИХ-ын дэд дарга Х.Булгантуяа:

-Манай аж ахуй нэгжүүд экспорт хийхэд бэлэн үү? Хавар бүр ноолуурыг ямар байдлаар гаргах вэ гээд л яригддаг. Импортыг чөлөөлнө гээд байдаг. Үйлдвэрүүд нь бэлэн байна уу? Япон улстай ийм гэрээ байгуулаад 5700 бараа нийлүүлнэ гэсэн. Гэтэл манайх 0.12 хувийг л хийж байна. Манайх хуучин машиныг нь импортолж авч байна. Энэ нь Японы буруу биш. Бид тэдний худалдаж авах бүтээгдэхүүн экспортолж чадахгүйтэй холбоотой. Бидний байгаа царай л ийм.

Манай улсын өмнөх гэрээ хэлэлцээрийн үр дүн ийм л байна. Гэтэл бүр том гүрнүүдтэй гэрээ хэлэлцээр хийнэ гээд байх юм. Хятад улс ч ийм гэрээ хэлэлцээрт маш болгоомжтой ханддаг. Дотоодын хүчин чадлаа нэмэгдүүлж, үйлдвэрлэл хийхдээ дэмжлэг үзүүлж байж худалдааны гэрээ хийдэг гэв. 

---