"Зээлийн мэдээллийн тухай хууль батлагдсанаар сайн зээлдэгч нь цаашид барьцаа хөрөнгөгүйгээр зээл авах боломж бүрдэнэ" гэж УИХ-ын гишүүн Э.Батшугар хэлж байна. 

УИХ-ын гишүүн Э.Батшугар:

-Хар жагсаалт гэдэг зүйлгүй болно. Сайн зээлдэгчийг оноогоор урамшуулдаг болно. Олон улсад энэ тогтолцоог нэвтрүүлэхэд зээлийн хүү буурсан үзүүлэлт харагдаж байна.

Хоёрдугаарт, барьцаа хөрөнгийн шаардлага буурна. Барьцаа хөрөнгөтэй хүнд л одоо зээл өгдөг байсан бол сайн оноо нь өөрөө барьцаа болж хувирна. Зээл авах таатай орчин бий болно. Үүгээрээ дамжаад нийт чанаргүй зээлийн хувь ч буурах боломжтой гэж харж байна. Систем өөрөө эрсдэлгүй болж байгаагийн хэрээр нийт хүү ч буурах боломж гарч ирнэ. Бүүр том зургаар харвал олон улсын банк манай улсад орж ирэх илүү таатай нөхцөлийг бий болгоно гэв. 

---