"Засгийн газар, УИХ нь өөрсдөө авлигалыг цэцэглүүлээд, хөрс суурийг бэлдээд байна. Ийм байхад АТГ-ын даргыг солиод бүх зүйл өөрчлөгдөнө гэвэл өрөөсгөл. Миний хувьд прокурор дээр олон хэрэг гацдаг гэдэгт итгэдэг" гэж УИХ-ын гишүүн Ч.Лодойсамбуу хэлж байна.

УИХ-ын гишүүн Ч.Лодойсамбуу:

-Авлигын эх үүсвэрийг арилгах нь Засгийн газрын ажил. Гэсэн ч огт тэмцэхгүй байна.

Засгийн газар, УИХ нь өөрсдөө авлигалыг цэцэглүүлээд, хөрс суурийг бэлдээд байна. Ийм байхад АТГ-ын даргыг солиод бүх зүйл өөрчлөгдөнө гэвэл өрөөсгөл шүү дээ. Прокурор ч гэсэн ялгаагүй. Үнэхээр улс төрөөс хараат бусаар ажиллах нөхцөлийг нь хангаж өгмөөр байна.

2018 оны өвөл хамгийн анх парламентад гутамшигт зүйл болж байсан. ҮАБЗ-ийн зөвлөмж гараад АТГ, Ерөнхий прокурорыг чөлөөлж байсан. Ингээд тавигдсан хүмүүсийг одоо дахиад улираах асуудал яригдаж байна. ҮАБЗ гэдэг гурван хүний гарт парламент орсон. Миний хувьд прокурор дээр олон хэрэг гацдаг гэдэгт итгэдэг. Энэ тал дээр шүүмжлэлтэй байдаг. Шүүх л буруутай, АТГ, прокурорын байгууллага сайн ажиллаж байгаа гэдэг худлаа ойлголт явчихлаа гэв. 

---