Ардчилсан намын Үндэсний бодлогын хороо, их хурал өнгөрсөн даваа гарагт хуралдах үеэр тус намаас томилогдсон Хууль зүй, дотоод хэрэг /ХЗДХ/-ийн сайд О.Алтангэрэлийг нэг ч агентлагийн даргаа сольж, өөрийн багаа бүрдүүлээгүй хэмээн намынхан нь шүүмжилж байв.

Тэгвэл ХЗДХ-ийн сайд О.Алтангэрэл Дотоод хэргийн их сургууль /ДХИС/-ийн захирал, бригадын генерал П.Батбаатарыг ажлаас нь чөлөөлж, шинэ хүн томилжээ.  

ДХИС-ийн захирлаар Монгол Улсаас ОХУ-д суугаа ЭСЯ-ны зөвлөх бөгөөд ХЗДХЯ-ны ОХУ дахь байнгын төлөөлөгчөөр ажиллаж байсан, цагдаагийн хурандаа О.Зоригтыг томилсон байна. О.Зоригт өмнө нь Нийслэлийн цагдаагийн газрын даргын албан тушаал хашиж байжээ. 

---