Д.Мөнх-Эрдэнийг Ардчилсан намын Үндэсний бодлогын хорооноос хасжээ. Тус асуудалд тэрээр дургүйцлээ илэрхийлж, Ардчилсан намын генсек Н.Ганибалыг шүүмжилж, ширүүн маргаан өрнөсөн юм. Түүнчлэн төрсөн дүү УИХ-ын гишүүн Д.Цогтбаатарын асуудалд түүний байр суурийг сонслоо. 

Ардчилсан намын гишүүн Д.Мөнх-Эрдэнэ:

-Ардчилагчид асуудлаа нээлттэй ярьдаг. Үндэсний бодлогын хорооны хурал нэгхэн цаг боллоо. Жүжиг боллоо. Хурлаар асуудлаа ярьдаг. Сонгуульд ялагдсанаас хойш нэг л удаа цахимаар хурал хийсэн. 21 аймаг 330 сумаас ирсэн төлөөлөгчийнхөө үгийг хэлүүлэх ёстой байсан. Генсекеер сонгуульд хамгийн муу дүн авсан хүнийг тавьчих юм. Ардчилсан намаас 7, Ардын намаас 7 гээд 14 хүний хамгийн сүүлд өвдөг шороодсон хүнийг генсек болгочихлоо. 2028 онд жагсаалтад орох юм гэнэ. Ерөнхийлөгчийн сонгуулийн өмнө л үндэсний бодлогын хороо хуралдах байх. 

Би чинь 2024 оны сонгуульд улс төрийн гишүүн гээд намаа манлайлаад яваад байсан гэтэл намайг хөөчихөж. Л.Гантөмөр шадар сайдын албан тушаалаа насны юм шиг бодож байна. Ардчилсан намын дарга нар намаа зарж идэж байна. С.Эрдэнийн хоёрдугаар ангийг тоглож байна.

Надад албан тушаал сонин биш. Би Монголын 3.5 сая иргэнийг бүгдийг нь гоё амьдруулмаар байна. Дарга нар л сайхан амьдарч болохгүй биз дээ. Ардчилсан нам сөрөг хүчний үүргээ гүйцэтгэж чадахгүй байна.

Д.Цогтбаатарыг ард түмэн сонгосон. Үндсэн хуулийн 29-ийн гурав дахь заалтад УИХ-ын гишүүн гэмт хэрэгт холбогдвол УИХ-ын чуулганы хуралдаанаар гишүүнээс түдгэлзүүлэх асуудлыг шийдвэрлэдэг. Энэ асуудлыг прокурор оруулж ирдэг. Уул түдгэлзсэн гишүүнд ял өгдөг. 

УИХ-ын гишүүн болсны дараа УИХ-ын гишүүнийг өөрийг нь мэдээгүй байхад алх цохьсон гэдэг нь Монголын парламентын түүхэнд анх удаагаа болж байна. Д.Цогтбаатар Хөгжлийн банканд мэргэжилтэн хийж байсан. Түүний дээр байсан албан тушаалтнууд зориулалтыг нь өөрчилсөн. Н.Алтанхуягийг Ерөнхий сайд байх үеийн арван хэдэн жилийн өмнөх зээл. Хэрвээ үүнийг ял гэж байгаа бол саарал ордонд байгаа гишүүд бүгд ялтан болно. Дээд шүүх алдаагаа засах ёстой. Дээд шүүхийн шийдвэр үндсэн хуульд харшилсан тохиолдолд тус шийдвэрээ хүчингүй болно гээд заачихсан байгаа гэв. 

---