Бүх нийтийн их цэвэрлэгээнд Сонгинохайрхан дүүргийн 43 хороо, төрийн болон хувийн хэвшлийн аж ахуй нэгж байгууллагууд, хот нийтийн аж ахуйн нэгж байгууллагууд, иргэдийн бүлэг хамтран оролцож байна.

Энэ удаагийн цэвэрлэгээгээр нийтийн эзэмшлийн зам талбайн хашаа, хайс, хүүхдийн тоглоомын талбайд хөөстэй цэвэрлэгээ, ариутгалыг хийснээс гадна, далан гуу жалганд хуримтлагдсан хур хогийг ачиж тээвэрлэлээ. Мөн хувийн хэвшлийн аж ахуй нэгж, төрийн байгууллагууд 50м хүртэлх талбайгаа цэвэрлэж, гадна талбай, хаягжуулалтын өнгө будгийг сэргээх ажлыг хийж гүйцэтгэж байна.

---