Хүүхэд, гэр бүлийн хөгжил, хамгааллын ерөнхий газрын дарга Б.Баярсайхан Монгол Улсад мэдлэг чадвараас илүү зөв зан чанар, хүмүүжилтэй, ёс суртахуунтай хүний нөөц, ажиллах хүчин дутмаг байгааг онцолжээ. 

Хүүхэд, гэр бүлийн хөгжил, хамгааллын ерөнхий газрын дарга Б.Баярсайхан: 

Манай улсын хэмжээнд нэн эрэлт хэрэгцээтэй нэг зүйл байнаа. Юу вэ гэж үү?
"САЙН ХҮН". Сайн гэдэг тодорхойлолтын цаана ерөнхийдөө мэдлэг чадвараас илүү зөв зан чанар, хүмүүжилтэй, ёс суртахуунтай, сэтгэлтэй, чин хандлагатай хүн л хайгаад байгаа юм л даа.
Нэгэнт өөр улсаас импортолж болохгүйгээс хойш бид САЙН ХҮНЭЭ өөрсдөө бэлтгэх шаардлагатай !!! Хаана? Хэн? гэжүү, гэр бүлд. 
Тогтвортой, ухаалаг гэр бүлд өссөн хүүхдүүд нийгэмд эерэгээр хувь нэмэр оруулах зөв иргэд болдог.
Энэ цагийн монголчууд ГЭР БҮЛ- ийн хүмүүжлийг чухалчлан дээдэлж хүүхдээ ХҮН болгон бэлтгэдэг байсан уламжлалт зан заншил, өв соёл, өвөг дээдсийнхээ нандин ухааныг мартсан гэхэд хилсдэхгүй. Үр уршиг нь өнөөдөр бид эдийн засгийн доройтол бус хаа сайгүй, хот хөдөөгүй ёс суртахууны доройтолд орчихоод байгаа учир сайн хүий эрэлд ийнхүү гарцгаажээ.
Ядаж амин хайртай үрийнхээ зан чанар төлөвших 0-6 насыг хэн нэгэнд биш, зөвхөн өөртөө даатгаж халуун хайр, халамж анхаарлаа тавин өсгөж сайн хүн болгох суурь ажлаа хийх хэрэгтэй байна. Залуу гэр бүлүүдээ дэмжин мэдлэг олгох, соён гэгээрүүлэх, зөвлөх, туслах, тогтвортой амар амгалан амьдрахад нь чиглүүлэх, нэг хүүхдийн хүмүүжилд нийтээрээ анхаардаг болмоор байна. 

---