Өнөөдрийн УИХ-ын чуулганы хуралдаанаар ХХОАТ-ын 10 хувийг 1 хувь болгож бууруулах иргэдийн санал 100 мянга хүрсэн тул Төсвийн байнгын хороонд шилжүүлэн хэлэлцэхээр болжээ. 

Батлан хамгаалахын сайд С.Бямбацогт:

-ХХОАТ-ын 10 хувийг 1 хувь болтол бүсчилсэн байдлаар бууруулах асуудлыг арав гаруй жил ярьж, судалж өнгөрсөн парламентын үед хуулийн төслөө өргөн барьж байсан боловч хэлэлцэгдээгүй.

Харин өнөөдрийн чуулганы хуралдаанаар ХХОАТ-ын 10 хувийг 1 хувь болгож бууруулах иргэдийн санал 100 мянга хүрсэн тул Төсвийн байнгын хороонд шилжүүлэн хэлэлцэхээр болж байна. Ойрын өдрүүдэд нэр бүхий гишүүдтэйгээ хамтран бүсчилсэн байдлаар ХХОАТ-ыг 1 хувь хүртэл бууруулах хуулийн төслийг боловсруулж дахин өргөн барихаар ажиллаж байна гэв.

---