"Төгрөг нуурын ордыг стратегийн ордод авах ёстой. Энэ ордтой Х.Баттулга гишүүн өөрийгөө хамааралгүй гэж хэлсэн" гэж УИХ-ын гишүүн Л.Мөнхбаясгалан хэлэв. 

УИХ-ын гишүүн Л.Мөнхбаясгалан:

-Орд газруудыг стратегийн орд газраар бүртгэж авах талаар УИХ-ын нэр бүхий гишүүд 21 аймгаа тойрч ажилласан. Төгрөг нуурын ордыг стратегийн орд газарт авах ёстой. Хэрвээ Төгрөг нуурын орд Х.Баттулга гэж хүнийх байсан бол энэ хүн өөрийн ордоо ард түмэнд өгөх ёстой гээд яриад явах уу? Намын бүлэг дээр энэ тухай асуудал огт яригдаагүй.

Х.Баттулга гэдэг хүнийг 15 жилийн хугацаанд шалгаж байна. Энэ хугацаанд маш олон асуудалд холбож байсан. Би энэ асуудлыг нээх чухал гэж бодохгүй байна. Өөрөөс нь асуухад "Хэрвээ минийх байсан бол улсын мэдэлд ав гээд 21 аймгаар тойроод явах байсан уу? Хуулийн байгууллагад шалгуулна" гэж хэлсэн. 

Н.Учрал сайдад баримт байгаа бол түүнийгээ гаргаад тавина байх. Төгрөг нуурын энэ асуудалд улс төр битгий орчихоосой гэж хүсэж байна. Х.Баттулга гэдэг хүнд долоо хоногийн хугацаа өгч байгаатай адил бусад стратегийн орд газрууд дээр манлайлал гаргаж ажиллаасай гэж хүсэж байна гэв. 

---