"Стратегийн ордуудыг ялгавартай байдлаар бус нэг зарчмаар асуудлыг нь шийдэх хэрэгтэй" гэж УИХ-ын гишүүн Н.Номтойбаяр хэлж байна. 

УИХ-ын гишүүн Н.Номтойбаяр:

-Н.Учрал сайд хэд хэдэн мэдэгдэл хийсэн. Х.Баттулга Төгрөг нуурын ордтой холбоотой нь үнэн юм билээ. Стратегийн ордоор бүртгэгдсэн 3 тэрбум тонн хүрэн нүүрсний ордыг 250 сая ам.доллароор зарсан гэдэг мэдээлэл явж байгаа. Тус ордыг хуулийн хүрээнд зарж болно. Гэхдээ татвар төлсөн үү? Татвараас зайлсхийх, мөнгө угаах, үндэслэлгүй хөрөнгөжсөн гэх мэт ноцтой олон асуудал харагдаж байна.

УИХ-аас гарсан тогтоол Засгийн газартай хэлэлцээр хийх ёстой байсан гээд ойлгомжтой асуудал олон байна. Мэдээлэлд ойр байдлаа ашигласан уу гэдэг асуудал байна. Хууль хүн бүрд эрх тэгш үйлчлэх ёстой. Хуулийн хэрэгжилтийг эрх тэгш байлгая гэхээр л троллуудаар дайрдаг, нийгэмд нөлөөлдөг жишиг тогтчихоод байна. Хамгийн муу муухайгаар харагдуулах гэж хичээж байна. Ухаа худгийн асуудлаар компани руу бүхий л байдлаар дайрч байна. ХЗДХ-ийн сайд ажлын хэсэг гаргаад ажиллаж байна.

Харин Төгрөг нуурын асуудалд илүү анхаарлаа хандуулмаар байна. Илүү ноцтой асуудал тус орд дээр байгаа гэдгийг хэлмээр байна.
Миний хамаарал бүхий гэж нэрлэгддэг МАК компани Засгийн газрын хэлэлцээрт орж байгаа. Стратегийн ордуудыг ялгавартай байдлаар бус нэг зарчмаар асуудлыг нь шийдэх хэрэгтэй.

Би АТГ-ын дарга бас Х.Баттулгыг нүүрсний хэрэгтэй холбогдуулан хамгийн түрүүнд шалгах байсан гэв. 

---