Олон улсын хүүхдийн номын өдрийг 1967 оноос хойш жил бүрийн 4-р сарын 2-нд тэмдэглэсээр ирсэн. Энэхүү өдөр нь Данийн алдарт зохиолч Ханс Кристиан Андерсен мэндэлжээ.

Олон улсын хүүхдийн номын зөвлөл жил бүр энэхүү өдрийг зохион байгуулахдаа тодорхой улсын үндэсний салбарыг ивээн тэтгэгчээр сонгон, хүүхдийн уран зохиолыг түгээн дэлгэрүүлэх онцгой сэдвийг тодорхойлдог билээ.

2025 онд Нидерланд улс албан ёсны ивээн тэтгэгчээр сонгогдсон бөгөөд энэ жилийн онцгой сэдэв нь “Төсөөллийн эрх чөлөө” юм.

2025 оны энэхүү сэдэв нь хүүхдийн бүтээлч сэтгэлгээг хөгжүүлэх, түүх, зохиолыг өөрсдийнхөөрөө тайлбарлах, төсөөллийн чөлөөтэй орон зайг бий болгохын чухлыг онцолсон. Өндөр чанартай зурагтай хүүхдийн ном нь төсөөллийг өдөөгч хүч болж, бяцхан уншигчдыг шинэ өнцгөөс харах боломжийг олгодгоороо онцлогтой юм.

Олон улсын хүүхдийн номын өдрийг тохиолдуулан Имарт нь "5 ӨНГӨ" аяны хүрээнд "Шилдэг" ЕБС-ийн 4-р ангийн сурагчдыг Имарт Хан-Уул салбар дээрээ хүлээн авч, өртөөчилсөн аялал хийн, хүүхдийн зурагт номын зохиолч болон зураачтай уулзуулж үлгэрийн далайгаар аяллаа.

Үйл ажиллагааны үеэр Интерном ХХК-ийн хамт олон "Монгол зурагт ном" санаачилгын хүрээнд эрхлэн гаргасан цуврал зурагт номын дээжээс хүүхэд, багачуудад бэлэглэлээ.

---