УИХ-ын гишүүн Л.Мөнхбаясгалан ерөнхий сайдад авлигатай тэмцэх ажлаасаа ухрахгүй байхыг сануулав.

УИХ-ын гишүүн Л.Мөнхбаясгалан:

-Иргэд хамтарсан Засгийн газрыг улс орон үндэсний эрх ашигт нийцсэн эв нэгдлийг ханган ажиллаасай гэж хүсэж байна.

Түүнчлэн шударга ёс тогтоон, иргэдийн амьдрал буурай байгаа нь авлигаас үүдэлтэй гэж байна. Та Энержи Ресурс Ухаа худгийн ордыг хууль бусаар авсан гэж мэдэгдсэн. Энэ асуудлаа яаралтай УИХ-д өргөн барьж оруулж ирээч ээ гэж хүсэж байна. Эрх ашгийн зөрчилтэй, санхүүгийн зөрчилтэй зарим сайдын үйлдэл хэрээс хэтэрч байна. Эргэж хараарай. Авлигатай тэмцэх ажлаасаа битгий ухраарай.

Ерөнхий сайд Л.Оюун-Эрдэнэ:

-Авлигатай холбоотой асуудал өмнө нь нэг их яригддаггүй байсан. Сүүлийн гурав дөрвөн жил бүх нийтээрээ энэ асуудалд анхаарлаа хандуулж эхэлсэн.

З.Дашдаваа дарга АТГ-ыг амь оруулсан. Түүнчлэн авлига нийгмийн асуудал болсон. Хөгжлийн банк, лицензийн асуудлыг бүх нийтийн анхаарлын төвд оруулж ирсэн. Энэ ажлаа үргэлжлүүл гэдэг утгаар улираан томилуулахаар оруулж ирсэн.

Миний хувьд анх дэвшүүлж байсан байгалийн баялагтай холбоотой асуудал, өнгөрсөн гучин жилийн хугацаанд орлогын тэгш бус байдал үүссэн бэ гэдэг асуудлаас би нэг алхам ч ухрахгүй. Энэ бол миний амьдралын философи. Түүнээс албан тушаал дээр ажил хийж байгаа зүйл огт биш. Санаа зоволтгүй. Асуудлын хуулийн түвшинд богино хугацаанд шийдэл болгох вэ л гэдэг байна. Явж ирсэн асуудлыг зассаар байна гэв. 

---