“Монголбанк”-ны Ерөнхийлөгч Б.Лхагвасүрэнгийн бүрэн эрхийн хугацаа дуусахтай зэрэгцээд түүний оронд хэн суух, хэнийг суулгах вэ гэдэг марафон улс төрчдийн дунд ил, далд явагдлаа.

Зарим нь түүнийг хэвлэлээр ил тод гөвж, нөгөө зарим нь өөрөө ил гарахгүйгээр Б.Лхагвасүрэнг харлуулах зүйлсийг ил цагаан цацлаа. Гэвч эх сурвалжийн мэдээлснээр Б.Лхагвасүрэнгийн бүрэн эрхийг хугацааг хуулийн дагуу сунгахаар тохирчээ.

Иймд түүн рүү сум харваж байсан хүмүүс нумаа нуух гэж зовж байна. Даа ялангуяа Монголбанкны тэргүүн дэд ерөнхийлөгч Г.Энхтайван орох байх газраа олж ядаж байгаа сурагтай.

Г.Энхтайван өөрийгөө хэвлэлээр “Дэд ерөнхийлөгч Г.Энхтайван ерөнхийлөгч болж дэвших үү” хэмээн “бичүүлсэн” байдаг. Байлдагч Г.Энхтайвангийн халаасанд генералын мөрдөс байсныг салбарынхан нь мэдээгүй явсан бололтой, энэ мэдээллийг хараад мэл гайхжээ.

Монголбанк бол Улсын их хурлын харьяаны байгууллага. Г.Занданшатар УИХ-ын дарга болсныхоо дараа өөрийн туслахаар ажиллаж байсан Г.Энхтайванг Монголбанкны тэргүүн дэд ерөнхийлөгчөөр томилуулсан байдаг. Одоо нэгэнт УИХ-ын дарга солигдсон, Б.Лхагвасүрэн түүний тарыг таньсан учир Г.Энхтайванг өөрчилнө гэсэн яриа Монголбанкнаас халиад байна.

“Чимх мэдээ”

---