УИХ-ын Хууль зүйн байнгын хороо АТГ-ын дарга З.Дашдавааг улираан томилох эсэхийг хэлэлцэж эхэллээ.

Монгол Улсын Ерөнхий сайд АТГ-ын даргыг улираан томилуулах саналаа Засгийн газрын хуралдаан болон намын бүлгийн хуралдаанд танилцуулсан. АТГ-ын даргаар З.Дашдаваа 2019 онд УИХ-ын 37 дугаар тогтоолоор томилогдсон. Энэ хугацаанд Авлигатай тэмцэх Үндэсний хөтөлбөр болон хэрэгжүүлэх төлөвлөгөөг батлуулж, авлигатай тэмцэх газрын чадавхыг бэхжүүлэх, ижил чиг үүрэг бүхий гадны байгууллагуудтай хамтын ажиллагааг өргөжүүлэх чиглэлд тодорхой үр дүн гаргасан учраас АТГ-ын дарга З.Дашдавааг улируулан сонгох нь зүйтэй гэж үзэж байгаагаа илэрхийлжээ. 

УИХ-ын Хууль зүйн байнгын хороо АТГ-ын дарга З.Дашдавааг улираан томилох эсэхийг хэлэлцэж, гишүүд асуулт асууж хариулт авч байна. 

---