Ерөнхий сайд Л.Оюун-Эрдэнэ бүрэн эрхийнхээ хүрээнд АТГ-ын дарга З.Дашдавааг улираан томилох шийдвэр гаргаснаа Засгийн газрын хуралдаанд танилцуулжээ.

З.Дашдавааг улираан томилох Ерөнхий сайдын саналыг УИХ-ын Хууль зүйн байнгын хорооны өнөөдрийн хуралдаанаар хэлэлцэнэ. Үүний дараа УИХ-ын чуулганы нэгдсэн хуралдаанаар хэлэлцэж, эцсийн шийдвэрийг гаргах юм.

АТГ-ын дарга З.Дашдаваа:

-Улс орны хэмжээнд яригдсан онцлог хэрэг олон гарсан.

Хөгжлийн банкны 500 орчим сая ам.доллар төлөгдсөн. Үүнд АТГ-ын оролцоо их байсан. Авлигын хэрэгт олон жил шаардагддаг. Нүүрсний хэрэг гурван шатны шүүхээр орж шийдвэрлэгдсэн. 5Ш ажиллагаа ч нэлээд сайн хэрэгжсэн. Таван жилийн өмнө төрийн албанд сонгон шалгаруулалтгүй хүн ажиллаж байсан. Өнөөдөр төрийн албанд төрийн албаны шалгалтад тэнцээгүй нэг ч хүн ажиллах боломжгүй болсон. Үүнийг хөгжил дэвшил гэж харах хэрэгтэй. Ирэх жилээс авлигын төсөөллийн индекс тодорхой хэмжээгээр буурч байр урагшилсан байх төсөөлөлтэй байна гэв.

---