Засгийн хуралдаанаас гарсан шийдвэрийг танилцууллаа.

УИХ-ын гишүүн, Боловсролын сайд П.Наранбаяр:

-Засгийн газрын хуралдаанаас нэгэн чухал шийдвэр гаргалаа. Ирэх 2026 оныг "Боловсролыг дэмжих жил" болгон зарласан.

Ерөнхий сайдын манлайлал доор энэхүү санаачилга хэрэгжихээр болж байна. Боловсролоос бүх зүйл хамаарч байдаг. Дэлхийн банкнаас хийсэн судалгаагаар манай улс боловсролдоо хөрөнгө оруулалт хийж чадвал эдийн засгийн өсөлт жилдээ 30 хувьд хүрэхэд ойрхон байна. Боловсролын багц хуулийг амилуулах, тэгш хүртээмж, сурах таатай орчныг бүрдүүлэхэд онцгой шийдвэр гарлаа.

2026 оныг боловсролыг дэмжих жил болгож зарласнаар зургаан шинэчлэлийг төгөлдөржүүлнэ.

• Хөтөлбөрийн шинэчлэл
• Үр дүнд суурилсан санхүүжилтийн шинэчлэл
• Цахим шинэчлэл
• Багш нарт чиглэсэн гурван тулгуурт бодлого
• Багшийг дэмжих бодлого
• Цахим шилжилт 

2030 он гэхэд 88 мянган хүүхэд улс даяар нэмэгдэнэ. Тэдэнд шинэ сургууль цэцэрлэг хэрэгтэй. Хүн амын нягтаршлыг тооцоолон хаана, хэдэн сургууль, цэцэрлэг хэрэгтэйг бид хиймэл оюун ухаан ашиглан тооцоолсон. Боловсрол хүний нөөцтэй шууд холбоотой. Манай улсад хүний нөөцийн ноцтой дутагдал үүслээ. Засгийн газраас мега төслүүд зарласан ч ажиллах хүнгүй байна. Боловсролыг дэмжих нь ирээдүйг дэмжсэн хэрэг мөн гэв.

---