Хэнтий аймгийн Дэлгэрхаан сумын Хэрлэн тооно багийн “Хаяа” гэдэг газар хээрийн гал түймэр гарсан тухай дуудлагыг онцгой байдлын байгууллага энэ сарын 1-ний өдрийн 13:11 цагт хүлээн авсан. 

Тус аймгийн Дэлгэрхаан сумын Засаг даргын Тамгын газрын ажилчид, орон нутгийн иргэд хээрийн гал түймрийг унтраах ажиллагааг зохион байгуулан ажиллаж 13:40 цагт цурамд оруулан, 15:30 цагт бүрэн унтраажээ. Урьдчилсан байдлаар хээрийн гал түймэрт 8 га талбай өртөж шатсан.

Мөн Сэлэнгэ аймгийн Баянгол сумын гуравдугаар багийн “Урт хамар” гэдэг газар хээрийн гал түймэр гарч байна гэсэн дуудлагыг энэ сарын 1-ний өдрийн 13:18 цагт хүлээн авсан байна. Тус аймгийн Онцгой байдлын газрын Баянгол сум дахь 40 дүгээр ангийн алба хаагчид, сумын Засаг даргын Тамгын газрын ажилчид, орон нутгийн иргэд хээрийн гал түймрийг унтраах ажиллагааг зохион байгуулан ажиллаж 14:15 цагт цурамд оруулан, 15:27 цагт бүрэн унтраажээ. Урьдчилсан байдлаар хээрийн гал түймэрт 21 га талбай өртөж шатсан байна. 

---