"Эрдэнэтийн үүсмэл ордын асуудлыг эхний ээлжид шийдвэрлэнэ. Эзэмшигч аж ахуй нэгжүүдтэй хэлцэлд орсон. Аж ахуй нэгж байгууллагууд олборлох овоолгын гэрээг сунгаж өгөөч гэдэг асуудлыг тогтмол тавьж байгаа" гэж Засгийн газрын бүрэн эрхэт төлөөлөгч Ж.Батзандан хэлэв.

Засгийн газрын бүрэн эрхэт төлөөлөгч Ж.Батзандан:

-Бүрэн эрхт төлөөлөгчийн хувьд нууцын бичигт гарын үсэг зурсан. Дэлгэрэнгүй мэдээлэл өгч чадахгүй байна. Хоёр ажлын хэсэг ажиллаж байна. Миний бие Стратегийн ач холбогдол бүхий орд газруудыг тогтоох, АМНАТ-аар орлуулах боломжийг судлах ажлын хэсгийг ахалж ажиллаж байна. Энэ ажлын хүрээнд аудит, санхүү, хууль, геологийн зөвлөхийн багийг сонгон шалгаруулах ажлыг зохион байгуулж байна. Стратегийн гэж батлагдсан 16 орд, орох ёстой стратегийн орд гэсэн 30 гаруй орд байна. Уул уурхайн яам УИХ-д оруулж ирж батлуулах ёстой. 

Эрдэнэтийн үүсмэл ордыг ашиглаж байгаа гурван аж ахуй нэгж, Нарийн сухайтын бүлэг ордыг ашиглаж байгаа долоон орд байна. Царайт минерал, Тавантолгой, Бороо голд, Оюутолгой гээд үргэлжилнэ. Нууцад хамаарах, ил тод гэх мэдээллүүдээ бид ялгаж байгаа.

Эрдэнэтийн үүсмэл ордын асуудлыг эхний ээлжид шийдвэрлэнэ. Эзэмшигч аж ахуй нэгжүүдтэй хэлцэлд орсон. Ер нь аж ахуй нэгж байгууллагууд олборлох овоолгын гэрээг сунгаж өгөөч гэдэг асуудлыг тогтмол тавьж байгаа. Түүнчлэн өр зээлийн асуудал, 34 хувийн ногдол ашгийг хэрхэн шийдвэрлэх вэ гэдэг асуудал байгаа. 

2007 онд УИХ-ын шийдвэр гарч 55 орчим стратегийн орд байгаа. үүнээс эхний удаад 16 ордыг оруул гэх шийдвэр гаргасан. Үүнээс хойш 18 жил өнгөрсөн байна. Энэ хугацаанд эдгээр ордыг зарсан идсэн асуудал их байна. Энэ болгонд шинжээчдийн баг оруулж, хууль хяналтын байгууллага үнэн зөвийг нь шалгах шаардлагатай гэв.

---