УИХ-ын гишүүн, ХҮН намын Удирдах зөвлөлийн гишүүд хоорондоо зодолдсон хэрэг гарсан билээ. Энэ талаар ХҮН намын дарга Т.Доржханд дараах тайлбарыг өгч байна. 

Шадар сайд, ХҮН намын дарга Т.Доржханд:

-Бүгдээрээ сенсаац тойроод баймааргүй байна.

Зодоон цохион огт болоогүй. Орой үдэш архи дарс ууж барьсан асуудал огт байхгүй. Чуулганы өмнө бид зөвлөлийнхөө хурлыг хийгээд орсон. Айхтар маргаан болсон зүйлгүй. Би хажууд нь байсан. Мэдээж улс төрийн зөвлөл дотор байр сууриа нэгтгэх, өөр үзэл бодлоо ярих асуудал байна шүү дээ. П.Наранбаяр сайд өөрөө санамсаргүй гээд тайлбараа өгсөн байна лээ. Шүргээд л нүдний шилийг нь зурсан. Түүнийг нь зодоон гэж дэвэргээд байна. Манай намынхан зодоон цохион хийж чадахгүй ээ. Эхнэртээ л зодуулахаар хүмүүс. Хувь хүмүүс нь тийм хүмүүс. Манай намд тийм соёл байхгүй. Нүдний шилтэй хүний зовлон шүү гэв. 

---