Архангай аймгийн Цэнхэр суманд менингоккокт халдварын тохиолдол бүртгэгдэж, халдвар авсан таван настай хүүхэд биеийн байдал хүнд байсны улмаас энджээ.

ХӨСҮТ-ийн Ерөнхий захирал Э.Анхбаяр:

-Он гарсаар менингоккокт халдварын дөрвөн тохиолдол батлагдсан. Архангай аймгийн Цэнхэр суманд менингоккокт халдварын тохиолдол энэ сарын 25-ны өдөр бүртгэгдсэн. Тухайн хүүхэд таван настай эрэгтэй, биеийн байдал маш хүнд амь тэмцсэн байдалтай аймгийн төвийн эмнэлэгт хүргэгдэж, эмнэлгийн тусламж үзүүлсэн ч эндсэн.

Шинжилгээний хариу өчигдөр баталгаажсан. Хүүхдийн мэдээлэл орж ирсэнтэй холбоотойгоор ХӨСҮТ, ЭХЭМҮТ-ийн эмч мэргэжилтнүүдийн хамтарсан баг газар дээр нь очиж ажилласан ч хүүхдийн биеийн байдал маш хүнд байсаар эндсэн харамсалтай явдал боллоо.

Он гарснаас хойш менингоккокт халдвараар өвчилсөн хоёр хүүхэд эндлээ. Энэ хоёр тохиолдол эмнэлгийн тусламж цаг алдаж авсантай холбоотой.

Тиймээс тууралт гарахаас өмнө буюу халуурч, ханиалгасан, хоолой өвдсөн анхны шинж тэмдэг илэрсэн тохиолдолд эрүүл мэндийн байгууллагад хандах ёстойг эцэг, эх асран хамгаалагчдад анхааруулж байна гэв. 

---